27.12.2019г. навагодні ранішнік “Адчыняем у казку дзверы” адбыўся ў старэйшай групе дзіцячага сада. Выхаванцы разам з героямі, якія завіталі на свята, падарожнічалі па розным казкам. Усе дзеці былі актыўныя, радасныя. На працягу ранішніка бацькі падтрымлівалі ўсіх герояў апладысментамі. Дзед Мароз пачаставаў усіх выхаванцаў салодкімі падарункамі.

27.12.2019г.  навагодні ранішнік “Як Лесавічок лядышку згубіў” святкавалі выхаванцы 2 малодшай – сярэдняй групы. На працягу ўсяго свята Зорачкі, Гномы, Сняжынкі і Зайчыкі дапамагалі Лесавічку. У зале не сціхаў смех, іскрыліся ўсмешкі і панаваў добры настрой. Усе дзеці атрымалі  салодкія падарункі ад Дзеда Мароза і Снягуркі.

24.12.2019г.  прайшоў навагодні ранішнік “Як Снегавік нос шукаў” у рознаўзроставай 1 малодшай – 2 малодшай групе. Дзеці з задавальненнем удзельнічалі ў прыгодах са Снегавіком  у пошуках носа. Было вельмі весела. Усе дзеці атрымалі салодкія пачастункі ад Дзеда Мароза.

01.11.2019г.  прайшлі ранішнікі “Пачастункі для восені” у старэйшай групе і “Пад асеннім дубам” у рознаўзроставай 2 малодшай і сярэдняй групе. У госці да дзяцей у садок прыйшлі іх бацькі і прыгажуня Восень. Дзеці з задавальненнем удзельнічалі ў гульнях з Восенню, вадзілі карагоды, спявалі песні.

22.10.2019г. на базе нашага дзіцячага сада прайшло раённае метадычнае аб’яднанне музычных кіраўнікоў. Занятак “У гасцях у Каркушы” праводзіўся ў рознаўзроставай 2 малодшай і сярэдняй групе. Разам з галоўнай гераіняй Каркушай дзеці спявалі, танцавалі і ігралі на музычных інструментах.

Выхаванцы дзіцячага сада актыўна ўдзельнічаюць ў спартыўных спаборніцтвах .  Дзеці з задавальненнем і радасцю выконваюць фізічныя практыкаванні, якія садзейнічаюць аздараўленню дзяцей, развіваюць дух спаборніцтва, выхоўваюць эмацыянальны водгук, узаемаразуменне.

31 мая прайшоў ранішнік “Да пабачэння, дзіцячы сад”.  Хвіліны радасці і смутку выпускнікі дзіцячага сада раздзялілі са сваімі гасцямі.

Святочныя ранішнікі прысвечаныя святу ўсіх жанчын прайшлі ў дзіцячым садку 7 сакавіка.  Выхавальнікі груп разам з дзецьмі падрыхтавалі віншавані не толькі любым матулям, але і дарагім бабулям. Настрой радасці і вяселля не пакідаў садок на працягу ўсяго дня.

Выхаванцы дзіцячага сада пабывалі ў школьным этнаграфічным музеі “Беларуская хатка”. Вучні 11 класа правялі цікавую экскурсію, дзе пазнаемілі дзяцей з жыццем і побытам нашых продкаў. Выхаванцы з задавальненнем слухалі, разглядалі  і самі паспрабавалі ткаць і прасаваць. Дзяўчынкі мелі магчымасць прымераць беларускі старадаўні касцюм.

У музычнай зале дзіцячага сада была арганізавана выстава вышываных ручнікоў. Дзеці з захапленнем разглядалі вырабы ручной працы мінулага пакалення.